A Importancia de aforrar enerxía

A enerxía é un dos bens máis prezados posto que aumenta a nosa calidade de vida. Sen embargo, ademais de ter que pagar por consumila, a producción desta, na maioría dos casos, non é a partir de enerxías renobables senón que se produce coa queima de combustibles fósiles ou con reaccions de productos tóxicos como o plutonio, e isto repercute no medio que nos rodea.

Para evitar isto, a continuación vos presentamos unha serie de medidas para aforrar enerxía que todos podemos levar acabo sen disminuir a nosa calidade de vida. Algunhas podémolas comezar á levar acabo desde xa, outras supoñen unha inversión que porsuposto á larga recupérase co que se aforra. Estas son algunhas ideas, pero anímovos a deixar as vosas formas de aforrar nos comentarios, e as máis interesantes serán adxuntadas á lista en futuras revisións para así concienciarnos da importancia de aforrar enerxía con pequenos xestos.

• Colocar placas solares térmicas para quentar a auga.
• Fiestras de dobre cristal para que non se escape calor.
• Aproveitar o calor da cheminea para quentar auga e ter calor por toda a casa.
• Utilizar a bicicleta para traxectos curtos.
• Apagar os “stand by” dos aparellos electrónicos
• Desenchufar os cargadores dos móbiles cando están totalmente cargados.
• Apagar as luces aínda que volvamos en pouco tempo.
• Usar transporte público.
• Programar a calefacción nunha temperatura adecuada entre 18-20 ºC.
• Cerrar o grifo cando non estamos usando a auga.(por exemplo, mentres lavamos os dentes)
• Ventilar a casa solo o tempo necesario.
• Non deixar abertas as fiestras ca calefacción acesa.
• Orientar de forma correcta a casa para aproveitar o calor e luz solar.
• Ir á neveira ca idea en mente do que imos coller.
• Abrir as persianas para aproveitar a luz solar en vez de acender as luces ao levantarnos.
• Usar detectores de movemento nos edificios para acender as luces.
• Usar lámpadas de baixo consumo e LED.
• Colocar placas solares fotovoltaicas para autoabastecerse.
• Usar electrodomésticos de alto rendemento.